PINATUTUKAN ni Justice Secretary Menardo Guevarra sa National Bureau of Investigation(NBI), ang reklamo ng dalawang anak ni Vice President Leni Robredo kaugnay sa mga malalaswang litrato na lumalabas sa internet.
Nabatid na unang nagreklamo sa NBI si Aika Robredo kaugnay sa LRU link nang umano’y sex video nito,kamakalawa ay si Dr. Tricia naman ang nagtungo sa NBI para magreklamo sa mga malalaswang larawan na lumalabas sa internet.
” I had ordered the NBI to investigate the existence in the internet of certain obscene photos of allegedly the vice-president’s daughters even before they formally requested the NBI’s assistance,”ayon kay Guevarra.
Nalaman na tinututukan na ng NBI kung sino ang nasa likod ng pagpapakalat ng mga malalaswang larawan ay video nang magkapatid na Robredo.
” Ihave also directed the NBI to file the appropriate charges, if warranted by the evidence, against those who may be found responsible for these malicious acts,”dagdag ni Guevarra.
Nabatid sa ipinadalang liham sa NBI ni Atty.Pinky Bernabe,legal counsel ni Tricia ,sinabi nito na ginagamit umano ang pangalan ni Tricia sa online sexual harassment sa ilalim ng Republic Act No. 11313 o Safe Spaces Act.
Ayon kay Bernabe base sa Section 3(e) at Section 12 ng Safe Spaces Act,ito ay “contemplate unwanted sexual remarks and comments online as gender-based online sexual harassment.”
Umaasa ang kampo ni Robredo na matutukoy ng NBI kung sino ang nasa likod ng mga malalaswang post at makakasuhan. (Jaymel Manuel)
