Kasalukuyang naghahanap ng doktor , psychologist at isang Administrative Aide 6 ang National Bureau of Investigation (NBI).
Napag-alaman na binuksan sa mga intresadong aplikante ng NBI. ang may 16 na posisyon sa kanilang plantilla na kinabibilangan din ng medical specialist, psychologist at administrative aide. Ang naturang posisyon ay ilalagay para sa Behavioral Science Division ng bureau.
Ayon sa NBI, kinakailangan na may kaukulang trainings ang mga intresadong aplikante para sa binuksan na posisyon.
Ang mga interesado ay maaring mag-sumite ng kanilang resume at mga requirements sa nbirecruitment.hmb@gmail.com o kaya ay personal na dalhin o ipadala sa courier kay Atty.Atty.Antonio Pagatpat, Deputy Administrator for Administration sa NBI V-Tech Tower sa Quezon City.
