Ginawaran ng tig-P200,000 ni Pangulong Ferdinand Marcos, Jr.,ang siyam na Overseas Filipino Workers (OFWs) na tumanggap ng 2022 Kabayan Awards.
Si First Lady Louise “Liza” Araneta-Marcos ang nag-anunsiyo ng mga binigyan ng awards sa ‘Go Negosyo’s Kabayan 2022’ event na ginanap sa Pasay City.
“Pinapasabi ho ng asawa ko na meron siyang bonus sa mga awardees na tig- P200,000 each . Merry Christmas, everybody. Thank you to the awardees. Congratulations,” ayon kay Araneta-Marcos na kumatawan kay Pangulong Marcos.
Ang mga tumanggap ng award ay sina Alvin Esperida (Bodega ni Tatay); Angelito Castro (Angel Castro Aqua Ventures); Madel delos Santos (Ledam’s Collections Company); Mark Durotan (Diko’s Food Processing & Diko’s Integrated Farm); Marvin Intal (Intal Garments); at Elpidia Abel (active OFW for 30 years) na tumanggap ng “Inspiring OFW” award.
Itinanghal naman sina Anthony Leuterio of Filipino Homes, Jeffrey Guansing of Team Harabas, at Malou Prado ng MPQ Travel & Tourism Dubai, bilang “Honorary OFW” awardees.
Ang tema ng ‘Kabayan 2022’ event ay “Kabuhayan, Kinabukasan, at Kaagapay ng Pamilyang OFW.”
Tiniyak naman ni Marcos sa kanyang mensahe na susuportahan ng kanyang administrasyon ang mga OFWs.
“As President, I assure you that the national government will continuously work to ensure the welfare and competitiveness of our OFWs during my administration. We will continue to pursue initiatives that will ensure your well-being and develop anew the skills that the global workforce requires,” giit n Marcos.
“At the same time, we will open up more and better opportunities for you at home so that you can help us in writing a new and vibrant chapter for our great nation,”dagdag pa ng Pangulo.
Naniniwala umano si Marcos sa potensiyal ng mga OFWs sa kanilang malaking kontribusyon sa ekonomiya. (Anthony Quindoy)
