SA huling pagkakataon bilang commander in chief, pinangunahan ni Pangulong Rodrigo Roa Duterte ang Commencement Exercises ng Philippine Military Academy (PMA) ‘Bagong Sibol sa Kinabukasan Didigma Hanggang sa Wakas’ (BAGSIK DIWA) Class of 2022 sa Fort General Gregorio H. del Pilar sa Baguio City, kahapon ng umaga.
Kasama si Defense Secretary Delfin Lorenzanaay pinangunahan din ng Pangulo ang awarding ceremony sa 214 graduating cadets, na binubuo ng 165 lalaki at 49 babae.
Ayon kay Lt. Chin Calima , PMA information officer, “ They shall be deployed in the three (3) branches of the Armed Forces of the Philippines (AFP), Sa nasabing bilang, 104 cadets ang mapupunta sa Philippine Army (PA), 57 sa Philippine Navy (PN) at 53 Philippine Air Force (PAF).
Si Cadet First Class (CDT 1CL) Krystlenn Ivany Quemado, na anak din ng isang sundalo mula sa Koronadal City, South Cotabato, ang siyang Top 1 sa graduating class at mapupunta sa Philippine Navy na may ranggong Ensign (ENS).
At bilang class valedictorian, matatanggap nito ang Presidential Saber Award mula sa Commander-in-Chief.
Ito ang huling pagdalo ni Pang. Duterte sa PMA Commencement Exercises, dahil matatapos na ang kaniyang termino sa June 30, 2022.
Kabilang sa mga panauhing pandangal sa ginanap na commencement exercise bukod kina Pangulong Duterte at Defense Secretary Lorenzana; sina Chief of Staff AFP, General Andres C. Centino PA; Superintendent, PMA, Lieutenant General Ferdinand M Cartujano PAF; Senator Bong Go at iba pang mga government officials at mga Major Service commanders;
Sa mga nagsipagtapos kabilang sa top ten ang limang babaeng kadete.
“Amidst the dangers posed by the COVID-19 virus and its variants, thePhilippine Military Academy has taken necessary precautions to keep the cadets and the guests safe and COVID free. These precautions are the presentation of negative antigen results, vaccination cards, and the constant practice of COVD-19 safety and health protocols”, pahayag pa ni Lt. Calima.
Sa kanyang commencement speech, inihayag ni Pangulong Duterte na umaasa siya na ang 214 graduates ng PMA “Bagsik Diwa” Class of 2022 ay mapapabilang sa mga sususnod na lider ng bansa na pagprotekta sa karapatan ng sambayanan.
Umaasa ang pangulo na ang mga bagong graduate ay kabilang sa mga lalaban sa mga problema ng bansa gaya ng corruption, krime at iligal na droga.
“My administration was constrained to adopt extreme legal measures to fight society’s ills at the start of my term. Sad to admit, after six years, these ills hound us still though to some lesser degree of intensity. Corruption, red tape, and illegal drugs, and crime and criminalities are the wrongs that we need to correct. I guess it is in the hands of the next generation of Filipino leaders and movers where our salvation rests. You, the Bagsik Diwa Class of 2022 belong to that generation,” ani Duterte sa kanyang mensahe sa PMA commencement exercises. (VICTOR BALDEMOR)
