Nananawagan si Senate Blue Ribbon Chairman Senator Erwin Tulfo sa publiko at concerned stakeholders na isantabi ang ‘misinformation’ na ipinost ni dating Congressman Mike Defensor sa social media ukol sa diumano ay pagdinig sa June 16 sa labas ng Senado.
Sa isang pahayag ay hinimok din ng komite ang publiko na maniwala lamang sa official advisories mula sa panel o sa Senado mismo, dahil ang diumano ay pagdinig na inanunsiyo ni Defensor sa social media ay hindi nakatakda at di rin awtorisado ng komite.
“The public and all concerned stakeholders are hereby advised that no hearing of the Senate Committee on Accountability of Public Officers and Investigations (Blue Ribbon Committee) has been scheduled for June 16, 2026,” anang komite sa isang anunsiyo na pirmado ni Tulfo bilang chairman nito.
Matatandaang sa isang post onlne, nanawagan si Defensor sa publiko na dumalo sa aniya ay ‘Blue Ribbon Committee hearing’ na gaganapin sa Quezon City.
Ayon kay Tulfo, “the committee categorically rejects the misinformation being circulated online” at sa ilalim umano ng Senate rules, “a formal three-day notice and distribution of the agenda before any committee hearing can be held is required.”
“The Blue Ribbon Committee will not permit its name and institutional integrity to be misrepresented or utilized for unauthorized disclosures,” ayon pa sa komite.
Idinagdag nito na si “Defensor has no legal standing to announce any proceeding on behalf of the Senate,” at dahil diyan, nagbabala si Tulfo na maaring maharap ang dating Congressman sa kasong “usurpation of authority” dahil sa anunsiyong ginawa nito.
