ITO ay makarang ilipat ni Philippine National Police (PNP) Chief PGen. Benjamin Acorda Jr., ang isang senior police office mula Camp Crame papuntang Mindanao.
Inutos ni General Acorda ang paglilipat kay Police Major General Jonnel Estomo bilang pinuno ng Area Police Command – Western Mindanao.
Bahagi ito ng panibagong balasahan sa ilang top key position sa pambansang kapulisan
Si Gen. Estomo ay hinugot mula sa pagiging director ng PNP Directorate for Plans matapos na magsilbi noon bilang National Capital Region Police Office (NCRPO) Regional Director.
Naging pinuno rin si Estomo ng PNP Anti-Kidnapping Group bago itinalagang Regional Director ng PNP-PRO5
Si Gen. Estomo ang pumalit sa pwesto ni Police Lieutenant General Vicente Danao Jr., na nagretiro na sa serbisyo kahapon Agosto 10.
Uupo naman sa binakanteng pwesto ni Estomo sa PNP Directorate for Plans si Police Brigadier General Nicolas Salvador.
