Ibinasura ng Prosecution panel ang mosyon na inihain in suspendidong Bureau of Corrections chief Gerald Bantag na humihiling na i-inhibit ang Department of Justice (DOJ) sa paghawak.ng kasong murder kaugnay sa pagpaslang sa broadcaster na si Percy Lapid at middleman na si Jun Villamor.
“No room for inhibition can be had in these cases,” ayon sa 17-pahinang resolusyon dahil ang karapatan ni Bantag sa due process ay hindi naman nilabag.
Magugunita na naghain ng resolusyon si Bantag noong Disyembre na humihiling na mailipat sa Ombudsman ang imbestigasyon sa kanyang kaso mula sa DOJ.
Ayon kay DOJ spokesperson Mico Clavano, nakatanggap umano sila ng kopya ng.resolusyo nat ang hurisdiksyon umano ay nasa DOJ.
“There was a memorandum of agreement between the DOJ and the Ombudsman whereby if the crime is a normal crime and not one of those crimes described dun sa jurisdiction ng Sandiganbayan, it does lie with DOJ primarily,” ayon kay Clavano.
Napag-alaman na muling itinakda ang preliminary investigation ng kaso ni Bantag sa Enero 24. (Philip Reyes)
