SA minimum-security compound sa Correctional Institution for Women (CIW) sa Mandaluyong City ikukulong ang convicted drug mule na si Mary Jane Veloso, sa sandaling dumating na sa bansa mula sa Indonesia.
Sinabi ni Bureau of Corrections (BuCor) chief Gregorio Catapang, Jr. na si Veloso ay maari ring ilipat sa pasilidad ng CIW sa Puerto Princesa City o Davao kung kanyang gugustuhin.
Kung sa Davao ay may oportunidad umano na magkaroon siya ng trabaho at suweldo.
Tiniyak rin ni Catapang ang seguridad ni Veloso kung saan 20 inmates ang makakasama niya sa minimum-security compound sa CIW.
Magugunita na si Veloso ay nakulong sa Indonesia noong 2010 dahil sa pagpupuslit ng heroin.
