Arestado ng mga tauhan ng Manila Police District – Station 14 ang isang miyembro ng Sputnik gang matapos nitong magwala habang hawak ang isang baril, kamakalawa ng gabi sa Lerma st. Brgy. 395 ,Sampaloc, Maynila.
Nakadetine ngayon sa MPD-PS14 ang suspek na si Israel Balatucan y Divinagracia, 26 at taga Bangkulase Navotas,City.
Ayon sa MPD-PS14, naganap ang insidente alas- 10:35 ng gabi sa nabanggit na lugar kung saan isang concerned citizen ang tumawag sa presinto kaugnay sa isang lalaki na may hawak na baril.
Kaagad namang nagresponde ang. mga pulis at nang makita ang suspek na tugma sa deskripsiyon ay maingat nila itong nilapitan.
Tinangka pa ng suspek na tumakbo pero maagap itong napigilan ng mga pulis.
Sasampahan ng kasong. paglabag sa RA 10591 o Comprehensive Firearms and Ammunition Regulation Act ang suspek sa Manila Prosecutors Office.
