KASALUKUYANG nakikipag-ugnayan na ang Department of Justice (DOJ) sa kanilang counterparts sa Indonesia at Malaysia na pinaniniwalaang pinagkakanlungan ni Dalia Guerrero Pastor, misis ng pinaslang na race car champion na si Ferdinand “Enzo” Pastor, at umano’y karelasyon ni Dalia na si Domingo de Guzman.
Kinumpirma ito ni Justice Secretary Jesus Crispin Remulla matapos na baligtarin ang ruling ng Court of Appeals(CA) noong 2015 na nagbasura sa kasong parricide ni Dalia at muling pag-utos na arestuhin ito at ipatupad ang Hold Departure Order (HDO) laban dito.
Bukod kay Dalia, kasama ring kinasuhan ng murder sa pagpaslang kay Enzo sina Police Officer II Edgar Angel at De Guzman.
Magugunitang si Enzo ay pinagbabaril habang nasa stoplight ang minamaneho nitong truck kasama ang kanyang mekaniko sa Visayas Avenue sa Quezon City noong Hunyo 12 ,2014.
Humingi ng tulong ang pamilya ni Enzo sa Department of the Interior and Local Government (DILG) at DOJ para hanapin si Dalia sa abroad.
“The wheels of justice will not remain idle or passive now that the High Court has passed down its judgment, the DOJ will join our partner agencies in hunting down the mastermind of Enzo Pastor’s murder,” ayon kay Remulla .
“We will also be working with our international counterparts to track down and extradite Dalia as soon as possible, ten years have passed and this is the time to prove that the present administration will do whatever it takes to get the job done at all costs,” dagdag pa ni Remulla.
Ani Remulla, hindi hihinto ang DOJ sa pagtugis at pagbibigay ng hustisya sa mga taong umabuso sa batas.
