Mag-file lamang ng kaso sa korte kung siguradong mahahatulan ang inirereklamo.
Ito ang nilalaman ng inisyung department circular ni Justice Secretary Crispin Remulla kung saan base sa circular na inilabas noong Pebrero 10 ay inatasan nito ang mga prosecutors na i-withdraw ang anumang kaso o information kung walang “reasonable certainty of conviction.”
Ang mga kaso ay dapat na suportado ng “prima facie evidence” o mga ebidensiya na sapat para madiin ang isang akusado sa isinagawang preliminary investigation.
Ayon sa circular layunin ng DOJ at ng Justice Sector Coordinating Council’s (JSCC) na mabawasan o mapaluwag ang mga kaso ng mga court dockets.
Sa Rules of Court, sa ilalim ng Rule 112, section 1 kailangan na sa isinagawang preliminary investigations ang respondent ay dapat na guilty at dapat magkaroon ng trial.
“We all know that there is a need to narrow the great divide between the current degree of proof needed for the filing of a criminal information, probable cause, and that of conviction, which is proof beyond reasonable doubt,” ayon kay Remulla .
Ang JSCC ay kapwa pinamumunuan ng heads ng Supreme Court, Department of Justice at ng Department of the Interior and Local Government.
Unang sinabi ni DOJ spokesperson Asec. Mico Clavano,ang naturang circular ay base sa executive function ng Secretary of Justice. (Jaymel Manuel)
