Binalaan ng Supreme Court (SC) Justices ang mga abugado na nagpu-post online ng kanilang komunikasyon dahil maari umano itong mag-resulta ng kanilang disbarment.
Ayon kay Senior Associate Justice Marvic Leonen, napansin nila na may mga abugado na nagpo- post sa social media ng communications sa kanilang kliyente gaya ng sulat, text messages at maging regalo mula sa kanilang kliyente o dokumento na isusumite nila sa korte.
Sinabi ni Leonen na pinapayagan naman ang ‘selfies’ online ng mga abogado pero hindi ang komunikasyon sa kanilang kliyente.
“Selfies are okay, but lately, we have been noticing tawyers posting photos of letters from their clients who liked their work, or they will post about documents they will be filing in court. They are probably excited, but bawal yan [that is not allowed],” ani Leonen.
Ang pahayag ni Leonen ay sinang-ayunan ni Chief Justice Alexander Gesmundo at Associate Justices Jose Midas Marquez at Japar Dimaampao sa ginanap na ‘SC Meets the Press: Dialogue and Thanksgiving event’.
“We need to preserve the confidentiality between lawyers and clients because once you post, you are actually opening third parties to your communication, which is actionable,” paliwanag pa ni Leonen .
“The tolerance of the Supreme Court on this has been stretched and sooner or later baka merong isa o dalawa na ma-file-an ng disbarment case [sooner or later a disbarment case may be filed against one or two (lawyers)] because they actually violated attorney-client privileged,” aniya pa..
Pinaalalahanan rin ni Leonen ang.mga abugado na irespeto ang hudikatura at iwasan ang komentaryo sa mga nakabinbin na kaso. (Jaymel Manuel)
