Natapos ang mahigit 10 taon pagtatago ng isang rapist matapos na maaresto ng mga tauhan ng Manila Police District- Special Mayor’s Reaction Team (MPD-SMaRT ) , kahapon ng umaga sa Victoria corner P. Burgos Streeets., Intramuros, Ermita, Maynila.
Kinilala ni PMajor Edward Samonte,ng suspek na si Giovani Calabroso,38,mangingisda at taga-Barangay Asuncion, Maasin, Southern Leyte.
Si Calabroso ay may standing warrant of arrest na inisyu ni Judge Roberto P. Quiroz, Judge ng Manila RTC Branch 29, na.may petsang Hulyo 30, 2012, dahil sa kasong rape.
Walang inirekomendang piyansa ang korte para sa pansamantalang kalayaan ni Calabroso.
Ani Samonte, alas -8 ng umaga nang mamataan sa nabanggit na lugar ang suspek matapos ang natanggap na impormasyon ng pulisya mula sa isang impormante na naglulungga sa lugar ang suspek.
Nang mag-positibo sa isinagawang surveillance ay nagkasa ng operasyon ang mga awtoridad dahilan para siya ay maaresto.
Nalaman na nasa listahan ng most wanted persons ang suspek. (Jerry S. Tan)
