Iniimbestigahan ng Manila Police District (MPD) ang motibo, kung may kinalaman sa iligal na droga ang pagpatay sa isang 41-anyos na lalaki matapos pasukin sa loob ng bahay at pagbabarilin ng dalawang di nakikilalang suspek,kamakalawa ng madaling araw sa Riverside,Vitas Katuparan,Tondo,Maynila.
Kinilala ni PCpl.Jamie Balang,imbestigador ng Manila Police District-homicide section,ang biktimang si Resty Sagurigan,ng 2460 Malaya Extension,Balut,Tondo. Siya ay nasawi dahil sa tama ng bala sa iba’t i-bang bahagi ng katawan.
Ayon sa imbestigasyon naganap ang insidente alas- 5:30 ng madaling araw sa loob ng bahay sa nabanggit na lugar.
Ayon kay Mark Angelo Alminar, natutulog umano sila sa ikalawang palapag ng bahay nang makarinig ng komosyon at sunod-sunod na putok ng baril.
Nang bumaba ,nakita nila ang nakahandusay at duguan ang biktima na wala ng buhay.
Kaagad umano nilang ipinagbigay-alam ang insidente sa barangay na siyang tumawag ng pulis. (Arsenio Tan)
