Sinabi ni Manila Police District (MPD) Director PBGen. Andre Dizon na naging mapayapa sa kabuuan ang pagdiriwang ng Chinese New Year sa Maynila.
Sa pagtaya ng MPD, aabot umano sa humigit-kumulang sa 600,000 katao ang dumagsa sa Binondo, mula umaga hanggang hatinggabi ng Enero 21, 2023 hanggang Enero 22.
Nasa 120,000 naman ang mga taong sumaksi sa fireworks display sa Binondo, habang 5,000 naman sa Jones Bridge.
Habang isinusulat naman ang balitang ito ay maraming tao pa rin ang nagdadatingan sa Chinatown upang makiisa sa selebrasyon. (JERRY S. TAN)
