OPISYAL na pinasimulan kahapon ang Maritime Aviation Support Activity (MASA) 2023 sa Fort Bonifacio, Taguig City.
Ayon kay MASA 2023 Public Affairs Officer Captain Jarald Rea, gagawin ang mga aktibidad sa area of responsibility ng Northern Luzon Command (NOLCOM), Western Command (WESCOM) at Visayas Command (VISCOM) na tatagal hanggang Hulyo 21.
Magsisilbing highlight ng pagsasanay ang gagawing pagpapalubog sa decommissioned na BRP Lake Caliraya ng lumang war ship ng Philippine Navy na gagamitan ng US aircraft.
Sasabak sa sabayang pagsasanay ang may 1,257 sundalo ng Armed Forces of the Philippines (AFP), 1,445 sundalo ng Estados Unidos at 1,015 reservists.
Layunin ng MASA 2023 na mapahusay ang kakayahan sa pamamagitan ng joint at combined training at exercise para sa aviation related tasks.
