GUEST si Maris Racal sa It’s Showtime last February 5 sa segment ng Tagokanta.
Siya ang partner ng contestant para hulaan ang mystery singer.
But before that, sinabi ni Maris kay Vice Ganda na magsasalita na raw siya.
Pero, pinigilan siya ng Unkabogable Phenomenal Star.
Pero hindi rin napigilan ng TV host ang Incognito actress.
Aniya: “Ate, sorry hindi ako nakapag-promote.”
Kaya naman natawa ang studio audience.
Nag-sorry si Maris dahil hindi siya nakasama sa pag-promote ng MMFF 2024 entry ng movie na “And The Breadwinner Is” na pinagbibidahan ni Vice at naging topgrosser ng film festival. Kasama si Maris sa movie bilang kapatid ni Meme Vice.
Hindi nakapag-promote ang aktres dahil nung time na yun ay nagkaroon sila ng isyu ng kapareha niyang si Anthony Jennings at ng ex-girlfriend ng aktor. Anyway, sabi naman ni Meme Vice kay Maris: “Wag kang mag-alala wala kang bonus.”
Napasaya ni Maris ang partner niya sa Tagokanta dahil natukoy niya kung sino ang mystery singer sa tatlong participant singers.
Si Morisette Amon ang nahulaan ng aktres.
