Nasa 40,500 “fully- grown” marijuana plants na nagkakahalaga ng may P8.1 milyon ang nadiskubre ng National Bureau of Investigation – Cordillera Autonomous Regional (NBI-CAR) office sa isinagawang operasyon sa 15 marijuana plantation sites na nasa 8,100 square meters, kamakailan sa Kibungan, Benguet.
Napag-alamang nakatanggap ang NBI-CAR ng impormasyon mula sa asset nito noong Enero 5, 2024 kaugnay sa ilang marijuana plantation.
Ang marijuana plants ay nakatakda nang anihin ngayong buwan.
Nitong Enero 10 dakong alas- 4 ng madaling araw nang salakayin ng pinagsanib na tauhan ng NBI-CAR at PDEA-CAR ang nasabing lugar.
Wala namang naaresto ang mga awtoridad na nag-aalaga sa naturang marijuana plantation.
Sinira na.lamang ng mga awtoridad ang mga marijuana plants na kanilang nakita matapos ang isinagawang dokumentasyon.
