Aabot sa mahigit P6.3 million halaga ng iligal na droga ang nasabat ng Bureau of customs at NAIA PDEA-IADITG sa isang warehouse ng CMEC sa Pasay City.
Ang nasabing illegal drugs ay nagmula sa isang abandonadong parcel na padala ng Isang Lambert Louis ng Antwerpen, Belgium na naka-consign sa isang nagngangalang Maritoni Macainan Bacangoy, ng Fairways Tower, 5th Avenue. BGC lungsod ng Taguig.
Base sa impormasyon ng PDEA, idineklarang Shoenen Rack ang laman ng naturang parcel kung saan nakalagay ang improvised pouch na naglalaman ng may 3,742 pirasong ecstasy tablets (MDMA) na may standard drug price na aabot sa P6,361,400 ang halaga.
Kasalukuyang nagsasagawa ng imbestigasyon ang mga awtoridad kung sino ang mga sangkot sa tangkang pagpupuslit ng illegal na droga papasok sa bansa.
