Nadakip ng mga operatiba ng Manila Police District-Station 13 ang isang matandang lalaki sa isinagawamg buy-bust operation, kamakalawa ng hatinggabi sa Blk.1 Gasangan, Baseco Compound, Port Area, Maynila.
Nakuha sa suspek na si Ricardo Herrera, alyas Ricky ,miyembro ng Sputnik Gang at residente ng 1357 Juan Luna St., Tondo, ang tatlong sachet ng shabu na may market value na P26,180 at P500.marked money.
Ikinasa ang buy-bust operation alas-11:10 ng gabi sa nabanggit na lugar.
Nakatanggap ng impormasyon ang pulisya kaugnay sa ginagawang pagtutulak ng iligal na droga ng suspek kaya ikinasa ang buy- bust operation na nagresulta sa pagkakaaresto ni Herrera.
Sinampahan ng kasong paglabag sa Sections 5 at 11, Article II ng RA 9165 o kilala bilang Comprehensive Dangerous Drug of 2002, ang suspek sa Manila Prosecutor’s Office.
