Nagsampa ng kasong tax evasion ang Department of Justice (DOJ) laban sa isang kumpanya at mga corporate officials nito, matapos ang isinagawang imbestigasyon ng National Bureau of Investigation (NBI).
Ayon sa kay Justice Secretary Jesus Crispin Remulla, sinampahan ng kaso ang Buildforce Trading, Inc. at mga corporate officers nito matapos na lumitaw sa isinagawang imbestigasyon ng National Bureau of Investigation (NBI) na gumagawa sila ng mga pekeng resibo at mga invoice.
“We cannot simply tolerate tax evaders. The filing of cases is a welcome development in our fight against tax evasion. More cases are expected to be filed in the coming days,” ani Remulla.
Nag-ugat ang kaso laban sa naturang kumpanya sa reklamong inihain ng Bureau of Internal Revenue (BIR) sa ilalim ng kanilang Run After Fake Transactions (RAFT) Program.
“Following a comprehensive evaluation on the affidavits and evidence submitted by the parties, the panel of prosecutors filed before the Quezon City Regional Trial Court (RTC) one count each of attempt to evade or defeat tax, and willful failure to supply correct and accurate information in Income Tax Return, and four counts of willful failure to supply correct and accurate information in Quarterly VAT Returns against the corporation and its corporate officers.”
Kaugnay nito, isang certified public accountant (CPA) naman ang sinampahan ng kasong paggawa ng false entries, records o reports sa Metropolitan Trial Court habang nabasura naman ang kasong attempt to evade and defeat tax laban sa kanya.
Samantala, inirekomenda rin ng panel of prosecutors ang pag-iimbestiga pa laban sa mga ghost/fly-by-night corporations at kanilang mga buyer companies pag-claim ng mga false purchase at expenses gamit ang mga fictitious na BIR sales invoice receipts para sa mga posibleng paglabag.
