Nabili na sa ikatlong public auction ng Bureau of Customs (BOC) ang Rolls-Royce Cullinan (2013) na pagmamay-ari ng mag-asawang Curlee a Sarah Discaya, na naging kontrobersyal matapos aminin ni Sarah na binili niya ito dahil sa libreng payong na kasama ng kotse.
Ayon kay BOC Spokesman at Deputy Chief of Staff Atty. Chris Noel Bendijo, ang nakabili ng nasabing sasakyan ay ang Baguio theme park na Igorot Stone Kingdom Inc. na kinatawan ng founder and CEO nito na si Pio Velasco.
“Our purpose was to save it from eventual destruction if ever… and to preserve a piece of history [because] this car is historical because it opened the floodgates and the interest of the nation to this rampant corruption,” sabi ni Velasco.
“The Igorot people want to preserve history,” ani Velasco matapos ang auction at aniya, maaring idisplay nila ito.
Matatandaan na sa unang auction ay P45.314 million ang floor price ng Rolls-Royce Cullinan (2013) noong Nobyembre 2025, na binabaan sa P36.28 milyon sa pangalawang auction noong Disyembre 2025, pero wala pa ring bumili nito.
Ayon kay Bendijo, hindi nabili ang mga sumusunod na sasakyan sa ginanap na auction:
Bentley Bentayga (2022) with a floor price of P11,103,040.30
Lincoln Navigator (2024) with a floor price of P8,642,319.86
Cadillac Escalade (2021) with a floor price of P7,747,289.21
Maserati Levante Modena (2022) with a floor price P4,091,916.72
GMC Yukon XL Denali (2022) with a floor price of P6,759,673.35
Cadillac Escalade ESV (2022) with a floor price of P8,278,445.48
Bugatti Chiron red (2019) with a floor price of P160,434,633.60
Bugatti Chiron blue (2017) with a floor price of P149,947,621.44
Sa 10 mamahaling sasakyan ng mga Discaya, ang Rolls-Royce Cullinan (2013) ang tanging naibenta sa nasabing auction. Ito ay nabili sa halagang P29,026,000.00, mula sa floor price nitong P29,025,132.58.
