NI BETH GELENA
MAY BAGONG aabangangan ang Kapamilya fans ngayong buwan dahil idaraos ng talent agency of ABS-CBN na Star Magic ang isa sa espesyal nilang event.
Naglabas na ang ABS-CBN ng save-the-date teaser para sa paparating na Star Magical Prom sa Marso 30.
Inilarawan lamang bilang isang “mahiwagang gabi,” walang iba pang mga detalyeng binnaggit sa naturang event.
Ang nalalapit na prom night ay idaraos ilang buwan matapos ang Star Magical Christmas event last November.
Matatandaan na 100 Star Magic talents ang nagtipon sa ballroom ng Sheraton Manila Hotel noong nakaraang taon para sa isang thanksgiving event na tinawag na Star Magical Christmas bilang pagdiriwang ang holiday season.
Ang mga nalikom na pondo para sa event ay napunta sa Anawim, isang tahanan para sa mga mahihirap at inabandunang mga matatanda na itinatag ng mangangaral na si Bo Sanchez sa Rodriguez, Rizal.
