MALAKAS ngayon ang bulung-bulungan na may posibilidad nga raw na ililipat ang It’s Showtime sa GMA-7.
Ayon sa ulat, mukhang pinaplantsa na ang kontrata at magkakapirmahan na.
Say naman ni Ogie Diaz sa kanilang programa na Showbiz Update, may mga nakausap siyang tatlong tao na iisa ang sinasabi patungkol sa “It’s Showtime.”
Aniya: “Tatlo na ang nakakausap ko na iisa ang sinasabi. Mukhang ang It’s Showtime na ang ookupa ng noontime show ng GMA 7 na iniwan ng Tahanang Pinakamasaya. At ang sabi’y hintayin na lang daw natin ang formal announcement, aba! Totoo kaya ito?”
May pahiwatig din umano si Meme Vice na “best days are coming.” Patungkol daw ito sa umano’y mga araw na maganda, ngunit kinabukasan ay mas maganda pa pala. Ngunit wala pang pormal na pahayag ang dalawang network sa bagay na ito.
Ayon pa kay OD tanging ang GMA-7 at ABS-CBN lang umano ang makakapagkumpirma nang balitang ito.
“Well, saka nalang tayo maniwala kung aaminin ito ng GMA at ng ABS-CBN. ‘Yan ang ating aabangan.”
Mina-manifest din umano ito ni Vice sa isang episode ng kanilang programa.
Ang It’s Showtime ay isang noontime show ng ABS-CBN na nagsimula 2009 at kahit wala nang prangkisa ay napapanood pa rin sila sa buong mundo thru The Filipino Channel at iba pang platforms kagaya ng A2Z at YouTube.
