Wala nang buhay ang isang inmate nang madiskubre ng kanyang kapwa preso sa piitan ng Manila Police District -Police Station 2 ,noong Sabado ng hapon sa Tondo,Maynila.
Kinilala ang Person Under Police Custody na si Ricardo de La Paz, na napansin ng mga kasamahan sa selda na hindi na humihinga alas -5:14 ng hapon sa loob ng piitan.
Inakala lamang umano ng kanyang mga kasama na natutulog lamang ang biktima pero kalaunan ay napansin nila na hindi na ito kumikilos at humihinga.
Kaagad na isinugod nina PSSg Erwin Ruiz at PCpl Philip Sarmiento,ang biktima sa ospital pero hindi na ito na revive pa.
