Dumepensa ang Health Technology Assessment Council (HTAC) kaugnay sa alegasyon na ang kanilang naantalang rekomendasyon sa booster roll-out ang dahilan kaya nasayang ang 4.2 milyon doses ng COVID-19 vaccine na mage-expire sa susunod na buwan at binili ng pribadong sektor.
Sinabi ng HTAC na may “low uptake” ng first boosters, bukod pa sa hindi sila sangkot sa planning, forecasting at deployment ng COVID-19 vaccines
“The HTAC has not delayed any rollout to date. In fact, it released its recommendation on first booster doses on 03 November 2021, followed by second boosters on 28 April 2022,” paliwanag ng HTAC.
“Unfortunately, there has been low uptake of first boosters. As of 20 June 2022, the uptake of first booster doses is the following for the different priority groups: 53.23% for A1, 32.93% for EA1, 25.63% for A2, 26.09% for A3, 3.99% for EA3, 18.52% for A4, 10.52% for A5, and 21.49% for the rest of the adult population,” dagdag ng HTAC.
Unang sinabi ni dating presidential adviser Joey Concepcion na dapat palawigin ng gobyerno ang pagbibigay ng booster shot dahil may 5.1.milyon halaga ng bakuna ang mai-expire.
Nanawagan rin si Concepcion sa Department of Health (DOH) at HTAC dahil sa pagka-antala ng pag -apruba na naging sanhi ng pagkaka-expire ng mga vaccine.
Samantala ,sinabi ni Health Undersecretary Beverly Ho na hindi dapat na sisihin ang DOH sa pagka- expired ng mga vaccine binili ng pribadong sektor at dapat ikunsidera ang mababang bilang ng mga nagpa-booster.
“Expiration of vaccines is not enough reason to push for vaccines. For any other health technology, our health professionals prescribe the best choice for the people, not because they are ‘sayang,’” giit naman ng HTAC.
Nabatid na ang HTAC ay binuo bilang advisory body sa ilalim ng Universal Health Care Act para magbigay ng guidance sa DOH at Philippine Health Insurance Corp. (Carl Angelo)
