OPISYAL nang manunungkulan bilang acting regional director ng PNP National Capital Regional Police Office si PBGen Jose Melencio Nartatez Jr., na dating intelligence chief ng Philippine National Police.
Ito ay matapos siyang hirangin ni PNP chief General Benjamin Acorda Jr., pa halinhan si PMGen Edgar Alan Okubo na nanilbihan sa National Capital Region Police Office (NCRPO) nang apat na buwan.
Kaugnay nito ay itinalaga naman si Okubo para pamumunuan ang Directorate for Police Community Relations sa Camp Crame.
Mismong si PNP Chief General Benjamin Acorda Jr. ang nag-preside ng turnover ceremony sa Camp Bagong Diwa sa Bicutan.
Sa pag-upo bilang regional director ng NCRPO, agad iniutos ni Nartatez na palakasin ang pakikipag-ugnayan ng Metro Police sa komunidad.
“I am ordering each and every chief of police to have the numbers of these barangay captains. Without these numbers paano sila makatawag sa inyo 24 hours? Kaya sila pumupunta sa media, so I will be expecting these numbers,” ani Nartatez.
Bago maupo bilang direktor ng NCRPO, na-assign si Nartatez bilang direktor ng Calabarzon police, Directorate for Comptrollership at Directorate for Intelligence.
Kabilang siya sa Philippine Military Academy (PMA) Tanglaw Diwa Class of 1992 at tubong Ilocos Region.
