ISANG fetus ang natagpuan kahapon ng umaga sa isang basurahan ng isang condominium sa Tondo, Maynila
Ang nasabing fetus ay nakalagay sa isang kulay asul na grocery bag nang matagpuan sa isang garbage bin ng The Orchard Tower Condominium .na matatagpuan sa Juan Luna Street, Tondo.
Napag-alaman kay PCMS Joseph Kabigting, imbestigador ng Manila Police District -homicide section, na ang fetus ay lalaki at itinatayang nasa apat hanggang limang buwang gulang.
Dakong alas 8:30 ng umaga nang. madiskubre ng garbage collector at guwardiyang si Joseph Ang ang fetus habang kinukolekta ang mga basura ng condominium.
Agad na ini-report ni Ang sa pulisya ang ukol sa fetus.
Iniimbestigahan ng pulisya kung sino ang nag-iwan ng naturang fetus sa basurahan.
