Isinilid sa kulay brown na kahon bago iniwan sa loob ng compound ng Deca Homes Condominium ,kamakalawa ng hapon sa Vitas,Tondo,Maynila.
Natagpuan sa pagitan ng Building 7 at 8 ng garbage collector na si Gil Siason at Alvin Abayan habang pinaghihiwa-hiwalay ang mga kinolektang basura ang kulay brown na kahon at nang buksan ay nakita ang fetus na nasa apat na buwang gulang, alas- 12:30 ng hapon.
Kaagad ipinagbigay-alam ng dalawa sa property administrator na si Jay Rommel Caramat ang nakita at ito ang siyang tumawag sa Manila Police District-Police Station 1.
Patuloy namang nagsasagawa ng imbestigasyon ang Manila Police District-homicide section para malaman kung sino ang nag iwan ng kahon sa lugar. (Philip Reyes)
