FAKE news ang kumakalat na may mga barkong pandigma ang China na namataang naglalayag malapit sa Jose Panganiban sa Camarines Norte.
Agad na nagpalabas ng paglilinaw ang Philippine Navy nitong Lunes, Pebrero 17, na ang mga foreign warships na namataan malapit sa Jose Panganiban ay pagmamay-ari ng France, United States at Japan. Hindi umano ito pagmamay-ari ng China.
Ipinaliwanag ng PN na ang United States Navy, Marine Nationale at Japanese Maritime Self-Defense Force ay nagsasagawa ng malaking naval exercises sa Philippine Sea bilang bahagi ng “Exercise Pacific Steller 2025.”
“These are not Chinese warships; these are foreign vessels composed of the French Navy, U.S. Navy, and Japanese Maritime Self-Defense Force that are conducting a naval exercise hosted by the French Navy in the Philippine Sea dubbed as ‘Exercise Pacific Steller 2025’ which started last February 8, 2025. This exercise is a multi-large deck event (MLDE) designed to advance coordination and cooperation among French, Japanese, and U.S. maritime forces,” ayon sa inilabas na paglilinaw ng Naval Forces Southern Luzon (NAVFORSOL).
Hinihinalang ang unang kumalat na balita hinggil sa mga barko ng China PLA Navy ay ang sighting ng aircraft carrier Charles de Gaulle (R91) carrier battle group na nasa 50 Nautical Miles mula Jose Panganiban, Camarines Norte .
“We cropped one of the photos and the ship’s profile matches with FS Charles de Gaulle, not with any PRC operational AC,” ayon din sa isang Facebook post.
Ayon sa Philippine Navy, ang French Navy flotilla, na pinangungunahan ng aircraft carrier Charles de Gaulle (R91) ay nagsisilbing opposing force laban sa American at Japanese forces sa naturang exercise na naka-sentro sa USS Carl Vinson (CVN-70) at JS Kaga (DDH184) at kanilang mga escort.
“According to the US Pacific Fleet, this exercise is to promote a free, open, and stable Indo-Pacific space for the benefit of French populations, interests, and those of their regional partners, within the framework of international law,” pagpapatuloy ng pahayag ng NAVFORSOL.
Kamakailan ay may U.S Navy aircraft ang nakaranas ng mechanical failure at nagsagawa ng emergency landing sa Balesin Island malapit sa Polillo sa Quezon.
Hindi kinumpirma kung kasama ang nasabing eroplano sa mga nagsasagawa ng pagsasanay o kung may iba itong mission sa area.
