HINDI na kailangang magpakita ng vaccination card o magsuot ng face shield sa mga polling station sa May 9, araw ng eleksyon, ayon sa Commission on Elections (Comelec).
Paglilinaw ito ni Comelec Commissioner George Garcia matapos ang kumalat na isang TikTok video, na kuha mula sa isang episode ng “Frontline Tonight” show ng TV5 noon pang Enero, na nagsasabing kailangang magsuot ng face shield at magpakita ng negative result ng swab test sa mga voting center.
Gayunpaman, anila, obligado ang lahat ng boboto na magsuot ng face mask.
