ARESTADO ng mga operatiba ng Manila Police Ditrict (MPD) ang apat na kalalakihan, kabilang ang isang estudyante, matapos na makunan ng limang kilong bricks ng marijuana sa buy-bust operation, kamakalawa ng gabi sa Baseco Compound, Port.Area, Maynila.
Kinilala ni PLt. Roberto Mendrano Jr., ang mga suspek na sina Ryean Espinosa,18,estudyante; Robin Diaz,24; Frances Jude Delmo,26; at John Ferry Bayrante,pawang taga -Tambakan, Baseco Compound, Port Area, Manila.
Naganap umano ang operasyon ng pulisya ala-7:30 ng gabi sa Tambakan, Baseco Compound.
Nakatanggap umano ng impormasyon ang pulisya sa iligal na gawain ng mga suspek kaya ikinasa ang buy-bust operation.
Nakalagay umano sa dalawang backpack ang nakumpiskang 5,250 gramo ng marijuana na nagkakahalaga ng P630,000.
Sinampahan ng kasong paglabag sa Republic Avt 9165 kilala bilang Dangerous Drug Act of 2002 sa Manila Prosecutors Office.
