Nanindigan ang Department of Justice (DOJ) na sa bansa na reresolbahin pero hindi sa International Criminal Court (ICC), ang mga kasong may kinalaman sa anti-illegal drugs campaign ni dating Pangulo Rodrigo Duterte.
Sinabi ni DOJ Spokesman Mico Clavano na dapat umanong irespeto ni ICC prosecutor Karim Khan ang soberenya at judicial system ng bansa.
“We want to express to ICC and to the special prosecutor, Mr. Khan, just to give us time to conduct our own investigation,” ayon kay Clavano.
Nabatid na tinututulan ng DOJ ang desisyon ng ICC na muling simulan ang kanilang imbestigasyon sa drug war ng Duterte administration.
Ayon kay Clavano, gumagana at organisado ang justice system sa bansa kumpara sa ilang African nations.
“These are countries na wala talagang justice system, wala talagang gobyerno . It’s under chaos. If we accept the decision of the ICC, it is as if we are admitting na we are on the same level as those countries na wala talagang gobyerno,” ayon kay Clavano.
“We are going to conduct a full-blown investigation on the past administration’s war on drugs. It’s not fast. Hindi siya mabilisan . We have to collect the right evidence. We have to obtain the witnesses in these cases. And we have to properly screen all the facts of the cases. So, it takes time. Hindi naman agad-agad makukuha ang conviction but that is the goal,” dagdag ni Clavano.
Magugunita na noong Nobyembre 2021, sinuspinde ng ICC ang imbestigasyon sa crime against humanity pero noong Huwebes.inaprubahan ng Pre-Trial Chamber (PTC) ang kahilingan ni Khan para sa imbestigasyon sa sitwasyon sa Republika ng Pilipinas kung saan sinabi na hindi umano nasisiyahan ang ICC sa imbestigasyong ginagawa ng Pilipinas. (Arsenio Tan)
