Pinagkalooban ng Philippine Drug Enforcement Agency – Region 1 (PDEA-RO1) ng drug-free certification ang Department of Health (DOH) – Ilocos Region dahil sa pagkakaroon ng drug-free workplace sa isinagawang awarding ceremony sa kanilang regional office nitong Lunes.
Napag-alaman na ang naturang parangal ay ipinagkaloob mismo ni PDEA Regional Director Joel Plaza kay Regional Director Paula Paz Sydiongco.
Nagpaabot naman si Sydiongco ng labis na pasasalamat sa lahat ng kanilang mga opisyal at empleyado dahil sa kanilang suporta at commitment upang makamit ang pagiging isang drug free workplace at pagtiyak na ligtas at malusog ang kanilang mga sarili.
“Now that we are certified, we have to ensure that all our efforts will be sustained for us to be effective in providing efficient and quality service to our clients,” ani Sydiongco.
“Let us continue to promote employee wellness and safety at work,” aniya.
Sa ilalim ng Republic Act No. 9165 o The Comprehensive Dangerous Drugs Act of 2002, isinusulong ang pagkakaroon ng drug–free workplace policies sa lahat ng government agencies at tinitiyak na ang lahat ng public officers, elective man o appointive, ay nananatiling drug-free, sa pamamagitan ng pagdaraos ng authorized drug testing.
