NASABAT ng pinagsanib na puwersa ng Bureau of Custom at Philippine Drug Enforcement Agency ang nasa P5.844 milyong halaga ng high-grade “kush” na idineklarang dried broccoli
Sa ulat na ipinarating sa tanggapan ni BOC Commissioner Bienvenido Rubio, nadiskubre ng mga tauhan ng Aduana, katuwang ang mga ahente ng PDEA, ang nasa 3,896 grams ng high-grade marijuana, na mas kilala bilang “kush”at may street value na aabot sa P5,844,000 sa isinagawang interdiction operation sa Port of Clark.
Nabatid na nagmula ang kontrabando na unang ideneklarang “freeze dried brocolli“ sa Thailand at ihahatid sana sa Legazpi City.
Nabatid na dahil sa intelligence information na nasagap ng PDEA ay agad na inalerto ang mga tauhan ng BOC hinggil sa shipment na dumating noong Marso 26, 2025.
Nang sumunod na araw ay isinagawa ng Customs examiners at mga operatiba ng PDEA ang K-9 sniff test, na nagresulta sa positibong indikasyon ng iligal na droga sa loob ng dumating na parcel, kaya nagpasaya ang mga awtoridad na buksan ang bagahe at magsagawa ng physical examination at dito nadiskubre ang 32 self-sealing packs na may marking na. “Crispy Broccoli.”
Isinailalim din ng PDEA sa confirmatory analysis ang kontrabando at nakumpirmang high- grade marijuana na klinaklasipikang dangerous drug under R.A. No. 9165, as amended ang laman nito.
Agad na nag- isyu ng Warrant of Seizure and Detention para sa nasabing shipment dahil sa paglabag sa Section 118(g), Section 119(d), and Section 1113 paragraphs (f), (i), and (l) of R.A. No. 10863, or the Customs Modernization and Tariff Act (CMTA), in relation to R.A. No. 9165.
Pinnapurihan naman ni Rubio ang matagumpay na operation ng BOC at PDEA katuwang ang mga tauhan ng Port of Clark – Customs Anti-Illegal Drug Task Force, Philippine National Police – Aviation Security Group, National Bureau of Investigation – Pampanga District Office at Department of Justice.
This successful interception reflects the Port of Clark’s strong commitment to the marching orders of President Ferdinand R. Marcos Jr., who has prioritized the intensified campaign against illegal drugs to safeguard public health and national security,” ani Rubio.
“Under his leadership, District Collector Jairus S. Reyes of the Port of Clark commended the vigilance and teamwork of frontline personnel and partner agencies, emphasizing the Port’s continued commitment to enhancing border security and upholding the Bureau’s mandate.
