Inihayag ng Department of Justice (DOJ) na susundin nito kung anuman ang magiging desisyon ni Pangulong Ferdinand Marcos, Jr., kaugnay sa usaping may kinalaman sa International Criminal Court (ICC), kasunod ng mga testimonyang nakalap ng House Quad Committee sa mga ginanap na pagdinig sa ‘war on drugs’ noong panahon ng panunungkulan ni President Rodrigo Duterte.
“As such, the Department will fully abide by and adhere to the President’s foreign policy direction on this matter,” ayon Kay DOJ spokesman Mico Clavano.
Matatandaang sinabi ni dating Philippine Charity Sweepstakes Office general manager Royina Garma sa QuadComm kung papaano sinabi sa kanya ni Duterte na maghanap umano ng officer na magpapatupad ng drug war sa Davao.
Isiniwalat ni Garma na ang Davao model ay tumutukoy sa “system involving payments and rewards.”
Samantala, nananatili ang posisyon ng gobyerno na hindi na sumali sa ICC muli.
“The DOJ acknowledges the calls to submit the report from the Quad Committee of Congress regarding the drug war killings under former President Rodrigo Duterte to the ICC. We also acknowledge calls to rejoin the ICC,” ayon kay Clavano.
Magugunitang nag-withdraw si Duterte sa Rome Statute, ang treaty na nag-establish ng ICC noong 2019, matapos na simulan ng ICC na imbestigahan ang kanyang ‘drug on war’.
