INIHAYAG ng Department of Justice (DOJ) na nagsimula na itong mamahagi ng ‘survivorship benefits’ sa mga kuwalipikadong pamilya ng mga namatay na retiradong prosecutors.
“Our commitment to honoring our prosecutors goes beyond life, considering they have sacrificed so much in the administration of the criminal justice system,”ayon kay Justice Secretary Jesus Crispin Remulla.
Sa unang batch, umabot sa 25 ang tumanggap ng benepisyo na ipamamahagi hanggang Hulyo 31.
Ang benepisyo ay ibinigay sa ilalim ng Republic Act 11643 o ‘Act Granting Survivorship Benefits to the Surviving Legitimate Spouse and Dependent Children of a Deceased Retired Member of the National Prosecution Service (NPS) and Appropriating Funds Therefor”.
Napag-alaman na nilagdaan ni Remulla ang Implementing Rules and Regulations (IRR) ng batas noong Oktubre,2023.
