Nananalig umano ang Department of Justice (DOJ) na hindi babaligtarin ng Timor-Leste court ang ruling nitong payagan na ang extradition ng pinatalsik na si Negros Oriental Representative Arnolfo “Arnie” Teves, Jr.
Ayon kay Justice Assistant Secretary at spokesperson Atty. Mico Clavano, malaki ang kanilang tiwala na mababasura ng Court of Appeal (CA) ng Timor-Leste ang motion for reconsideration ni Teves.
Ginawa ni Clavano ang pahayag nang hingan ng komento kaugnay sa motion for reconsideration inihain ni Teves kaugnay sa kanyang extradition sa Pilipinas.
“It will take a lot for the CA (of Timor-Leste) to reverse their decision lalo na lahat ng issues diniscuss talaga lengthily and comprehensively. We believe na hindi talaga irereverse yung una nilang decision,” ani Clavano, at aniya, ang motion ay”rehash” lamang at itp ay naresolba na ng Timor-Leste court.
“It seems like a rehash of all their arguments to begin with, political persecution, the fact that we have death penalty here, and all these other arguments which have already been ruled upon before. There’s little that they can argue in addition to what they have already argued before. That’s why we are doubly confident na magkakaroon ulit tayo ng confirmation of the decision that was first rendered,” dagdag pa ni Clavano.
Tumanggi namang magbigay ng ‘timeframe’ si Clavano dahil ang anumang court ruling ay nakadepende umano sa komento ng Timor-Leste prosecutor general.
