MAAARI na ring mag-avail ng kanilang second COVID-19 booster shots ang mga senior citizens (Priority Group A2) at maging mga frontline health workers (Priority Group A1).
Ayon sa Department of Health (DOH) at National COVID-19 Vaccination Operations Center (NVOC), partikular na maaaring ipaturok ng mga senior citizens at frontline health workers ay yaong mRNA vaccines, gaya ng Moderna at Pfizer, upang mapalakas ang kanilang immunity laban sa COVID-19 virus, kabilang na rito ang Omicron subvariant BA.2.12.1, na kumpirmadong nakapasok na rin sa bansa.
Nabatid na kasunod ng inaprubahang Emergency Use Authorization (EUA) ng Philippine Food and Drug Administration (FDA) at positibong rekomendasyon ng Health Technology Assessment Council (HTAC), inilabas na ng DOH sa pamamagitan ng NVOC ng DM No. 2022-0206 o ang Interim Operational Guidelines on the Administration of 2nd COVID-19 Vaccine Booster Doses para sa mga Senior Citizens at Frontline Healthcare Workers na nagkakaedad ng 18-taong gulang pataas.
“This is the moment we have all been waiting for. After careful study and consideration of the best available evidence, we shall now roll out effective immediately the second booster for our frontline health workers and senior citizens. This is part of how we fight back against the virus,” ayon kay DOH Undersecretary at NVOC Chair Myrna Cabotaje, sa isang pahayag nitong Miyerkules.
Ang mga senior at frontline workers na apat na buwan nang bakunado ng kanilang first booster shot ay maaari na aniyang makapag-avail ng kanilang second booster shot.
“The second booster for our health workers and senior citizens will enhance protection given by the first booster and the primary series against all variants, including the recent Omicron subvariant BA.2.12.1. Against whatever variant there is out there, the second booster supports the 4-Door strategy. It fortifies the defense of health workers and highly vulnerable seniors. Everyone eligible can get the second booster jab done at the LGU vaccination sites nearest you. They are safe, effective, and free of charge,” ayon naman kay DOH Undersecretary Maria Rosario Vergeire.
Anila, ang pagtuturok ng second booster doses sa mga eligible individuals ay sabay-sabay na ipapatupad sa buong bansa, depende sa kahandaan ng Regional at Local Vaccination Operation Centers (RVOC/LVOCs), implementing units, at vaccination sites.
Ang tangi lamang umanong dokumento na dapat na iprisinta ng mga ito ay ang kanilang vaccination card na nagpapakita ng petsa ng kanilang unang booster dose at anumang balidong government issued ID.
“To further advance our march to the New Normal, we call on every eligible Juan and Juana to get their booster doses and those who have not yet received their primary doses. These vaccines will serve as our protection from existing variants and variants in the future. Together, we can get the job done by getting the jab done!” ayon naman kay Health Secretary Francisco T. Duque III. (Carl Angelo)
