Plano ng Department of Health na ilapit sa mamamayan sa pamamagitan ng telemedicine ang pagbibigay ng health services.
Ito ay inilatag ni Health OIC Usec Maria Rosario Vergeire matapos na lumahok sa panel discussion sa post-State of the Nation Address economic briefing ni Pangulong Ferdinand Marcos, Jr. na ginanap sa Philippine International Convention Center sa Pasay City noong Martes.
Ayon kay Vergeire, gagawin ang “telehealth services ” sa buong bansa.
“We’re going to establish further our telemedicine services or telehealth services so that we can continuously decongest our facilities and we can also reach those far-flung areas in the country,” ayon kay Vergeire.
Maglalagay din umano ng specialty care facilities at primary care facilities sa iba’t -ibang rehiyon sa bansa.
Layunin nito na mapalawig ang access ng publiko sa high-level healthcare facilities.
Ayon kay Vergeire, kabalikat ng DOH ang mga local government units sa kanilang mga gawain sa pagpapalawak ng epidemiology and surveillance units.
“That is already part of the budget that we have proposed to the Department of Budget and Management for the Department of Health,” ani Vergeire.
Ang scientific evidence generation at rekomendasyon ay manggagaling umano mula sa mga eksperto sa field.
“In support of the directives of the President, we’re going to have the Philippine Center for Disease Control whereby we’re going to have high level technical capacity, hiring experts, hiring scientists so that we can be able to better manage emerging and re-emerging diseases,” dagdag ni Vergeire.
Bilang paghahanda sa banta ng mga pandemya gaya ng COVID19, plano ng DOH na magsagawa ng mas.maagang diagnosis sa pamamagitan ng pagtatayo ng mga public health laboratories na nakatuon sa iba’t- ibang sakit
Ayon pa lay Vergeire, sa paghahanap ng pondo at commodities ay mahalaga ang self -sufficiency partikular na sa panahon ng pandemya.
“We all know that our vaccines, for example, for Covid-19, came internationally. We don’t have our local source. So in line also with the directives of the President, we are in support to work with the Department of Science and Technology to set up the Virology Institute of the Philippines, whereby, eventually, we can be able to locally manufacture our technologies, such as vaccines for these specific infectious diseases,” dagdag pa ni Vergeire.
Sinabi rin niya na walang silbi ang pagpapabuti sa healthcare facilities at serbisyo kung walang sapat na medical professionals. (Jaymel Manuel)
