Fake news diumano ang‘destabilization plot’ na kumakalat sa social media kasabay ng umano’y pekeng Philippine National Police internal communication na nag-aalerto sa kanilang buong pwersa bunsod ng pagpapalit ng renda sa Armed Forces of the Philippines (AFP) at maramihang pagre-resign ng mga Department Of National Defense (DND) officials noong Sabado .
Mabilis na kumalat ang umano’y bantang destabilisasyon dahil hindi kaagad sumagot ang ilang mataas na opisyal hinggil sa isyu at bandang hapon na rin nagbigay ng tugon o statement of support ang mga senior PNP at AFP officers sa bagong pamunuan ng AFP at sa kasalukuyang administrasyon.
Itinanggi ng AFP na may demoralisasyon sa kanilang hanay, habang ang Philippine National Police (PNP) ay ikinaila na pinakilos nila ang kanilang puwersa at resources para sawatain ang umano’y bantang destabilizationplot sa AFP.
Sa kanilang online press conference, inihayag ni PNP spokesperson Col. Jean Fajardo na wala silang inilbas na instruction o kautusan na ilagay ang kanilang buong pwersa sa full alert status kasunod ng tatlong bersyon ng umano’y memorandum o communication na kumalat sa social media.
Base sa kumalat na memos na umano’y ipinalabs ni PNP chief, Gen. Rodolfo Azurin, Jr., “all units are to be placed on full alert due to “developing issues in Camp Aguinaldo,” resignation of all personnel in DND (Department of National Defense) and destabilization movements from the AFP.”
Bandang hapon ng Sabado ay inihayag ni AFP Spokesman Col. Medel Aguilar na nasa Cagayan de Oro,na “The AFP assures everyone that everything is normal. Pahayag naman ni Col. Jorry Baclor, AFP Information Office chief, na matapos ang maikling command conference kasunod ng assumption ni AFP 59th chief of Staff General Andress Centino, tahimik naman at walang bakas na may mga ‘movement’ na nagaganap taliwas sa kumalat sa social media
Tatlong bersyon ang kumalat sa social media, “police units were supposedly instructed to ensure 100-percent attendance, conduct exercises for the camp defense plan, monitor the activities of the military, account for personnel and firearms every hour starting at 1 p.m. and prepare the necessary firepower and communication equipment for all possible scenarios. ”
Bandang hapon, inihayag ng PNP na “There was no instruction for full alert status. What we can confirm is that the PNP is on heightened alert status in preparation for the Traslacion,” ani Col Fajardo patungkol Feast Of the Black Nazarene o kapistahan ng Quiapo.
Una nang inihayag ng pamahalaang-lungsod ng Maynila at ng Parokya ng Quiapo na walang magaganap na Traslacion Ngayong taon.
Inihayag din ni PNP Public Information Officer (PIO) Col. Redrico Maranan na walang direktiba na inilabas si PNP Chief Gen. Rodolfo Azurin na itinataas sa “full alert” status ang pambansang pulisya kaugnay sa napabalitang planong coup d ‘etat kasunod ng pagbibitiw sa pwesto ng ilang opisyal ng DND.
Gayunman, may mga lumabas na larawan ng mga tangke ng Special Action Force (SAF) sa harap ng PNP- NHQ bagama’t ayon sa mga awtoridad, ito ay isang routine lamang umano sa kanilang isinasagawang simulation exercise na layong matiyak ang kahandaan ng mga pulis sa anumang mga ‘posibleng eventualities’. (VICTOR BALDEMOR RUIZ)
