ASAHAN na maraming project pang gagawin ang award-winning actor and Kapuso Drama King Dennis Trillo nang muli siyang pumirma ng kontrata sa GMA Network last Oct. 10.
In celebration on his 20th anniversary as a Kapuso, muli nga siyang pumirma ng kontrata sa Kapuso Network.
Present sa renewal ng kontrata ni Dennis sina GMA chairman and Chief Executive Officer Atty. Felipe L Gozon, president and Chief Operating Officer Gilberto R. Duavit, Jr., executive vice president and Chief Financial Officer Felipe S. Yalong and Senior Vice President for Entertainment Group Lilybeth G. Reasonable at iba pang executives ng GMA.
Representing Aguila Entertainment was its Talent Manager and CEO Ms Katrina Aguila.
Inamin ni Dennis na hindi pa rin siya makapaniwala sa lahat ng magagandang bagay na nagawa niya sa nakalipas na dalawang dekada.
“Naalala ko yung pakiramdam nung unang pagtungtong ko rito sa GMA. Parang kang pumapasok sa bagong teritoryo, bagong tahanan. Hindi mo alam kung anong mangyayari sa career mo. Now feeling fulfilled ako na na-achieve ko ang mga pangarap ko. Sobrang blessed na hanggang ngayon nandito pa rin ako sa industriya. Hindi ko akalain na tatagal ako ng 20 years kaya napaka-special ng araw at renewal ng contract na ito.
Atty. Gozon highlighted the successful career ni Dennis bilang Kapuso, saying: “Tayo ay nagagalak na pumirma na naman sa atin ang Drama King. In all of the 20 years na nasa atin si Dennis as a exclusive talent, wala akong nabalitaang problema na ibinigay niya sa amin. Kaya pinagpapala si Dennis at halos lahat ng programang kanyang ginawa ay matataas ang ratings.
Isa nga si Dennis sa pinakamalaking pangalan sa Philippine showbiz at lahat ng character kanyang ginagampanan ay binibigyan niya ng buhay na makakatotohanan kaya naman marami na siyang natanggap na award.
Bukod sa mahusay na actor, nakatutok din si Dennis sa pagiging ama sa anak nila ni Jennylyn Mercado.
Nangako nga si Dennis na kahit anong mangyari, hindi niya magagawang iwanan ang kanyang pamilya.
