NAUNA nang naghain ng kanyang courtesy resignation kay President Ferdinand Marcos, Jr., si Department of National Defense Secretary Gilberto Teodoro, Jr. kahapon ng umaga kasunod ng kahilingan ng Pangulo na magsumite ng kanilang courtesy resignation ang may 30 miyembro ng kanyang gabinete.
Tiniyak naman ni Teodoro sa sambayanang Pilipino na patuloy na tutupad sa kanilang mga mandato ang lahat ng kawanihang nasa ilalim ng defense department lalo na ang Armed Forces of the Philippines na siyang responsable sa pangangalaga sa soberanya at territorial integrity ng bansa. Tuloy-tuloy din umano ang kanilang public service bilang suporta sa national development sa panahong umiiral ang nakaambang transition sa pamahalaan.
Una NAng hiniling ni Pangulong Marcos, Jr., ang courtesy resignations ng lahat ng kaniyang cabinet secretaries na isang hakbang para i-calibrate ang kanyang pamamahala bunsod ng hindi magandang resulta ng nagdaang halalan.
Ayon kay PBBM, panahon na para i-realign ang gobyerno patungo sa inaasahan ng mga tao.
Binigyang-diin ng Pangulo na hindi ito ‘business as usual’ dahil nagsalita na ang mga tao at kanilang inaasahan ang resulta, hindi ang pulitika.
Bukod kay Sec. Teodoro, may 29 pang Cabinet Secretary na ang nagpahayag ng kanilang kahandaan na magsumite ng courtesy resignation habang ang iba naman ay nagsumite na bilang tugon sa panawagan ng Pangulo.
Layunin nito na mabigyan ng pagkakataon ang Pangulo na i-evaluate ang performance ng bawat department at tukuyin kung sino pa ang patuloy na magsisilbi sa administrasyon sa ipatutupad na ‘recalibrated priorities.’
Ang nasabing hakbang ay patungo sa mas tutok na ‘performance-driven approach’ at hindi umano ito patungkol sa personalidad, kundi ito ay patungkol sa kani-kaniyang performance.
Target umano ng Presidente ang mas mabilis na pagtupad sa mga mahahalagang proyekto at programa ng administrasyon lalo na sa mga pangangailangan ng sambayanan.
Kabilang sa mga Kalihim na inaasahang maghahain ng kanilang courtesy resignation sina:
1. Department of Transportation (DOTr) Sec. Vince Dizon
2. Department of Social Welfare and Development (DSWD) Sec. Rex Gatchalian
3. Department of the Interior and Local Government (DILG) Sec. Jonvic Remulla
4. Metropolitan Manila Development Authority (MMDA) Chair Romando Artes
5.Department of Tourism (DoT) Sec. Cristina Frasco
6. Department of Budget and Management (DBM) Sec. Amenah Pangandaman
7. Department of Finance (DOF) Sec. Ralph Recto
8. Solicitor General Menardo Guevarra
9. Department of Migrant Workers (DMW) Sec. Hans Leo Cacdac
10. Department of Information and Communications Technology (DICT) Sec. Henry Aguda
11. Department of Justice (DOJ) Sec. Jesus Crispin Remulla
12 Presidential Communications Office (PCO) Secretary Jay Ruiz
13 Department of Agriculture (DA) Sec. Francisco Tiu Laurel jr
14. Department of Labor and Employment (DOLE) Sec Bienvenido Laguesma
15. TechnicalEducationand Skills Development Authority(TESDA) Director- General Jose Benitez
16. TheDepartment of Economy, Planning, and Development (DEPDev) Sec. Arsenio Balisacan
17. Presidential Adviser for Investment and Economic Affairs Sec. Frederick Go
18. Executive Secretary Lucas Bersamin
19. Department of Agrarian Reform(DAR) Sec. Conrado Estrella III
20. Department of Energy (DOE) Sec. Raphael Lotilla
21. Department ofEducation (DepEd) Sec. Sonny Angara
22. Department Environment and Natural Resources (DENR) Sec. Maria Antonia Yulo-Loyzaga
23. Department of Science and Technology(DOST) Sec. Renato Solidum
24. Department of Nationak Defense (DND) Secretary Gilbert Teodoro
25. National Security Adviser Sec. Eduardo Ano
26. Department of Trade and Industry (DTI) Cristina Aldeguer-Roque
27. Department of Foreign Affairs (DFA) Sec. Enrique Manalo
28. Commission on Filipinos Overseas (CFO) Sec. Dante Ang III
29. Presidential Legislative Liaison Office(PLLO) Chief Mark Mendoza
30. Anti-Red Tape Authority (ARTA) Director-General Ernesto Perez
