ISANG kasapi ng Daulah Islamiyah – Maute Terror Group ang napatay matapos na magkasunod nilang makasagupa ang mga tauhan ng Philippine Army sa Brgy. Kalangan, Piagapo sa Lanao del Sur.
Sa ulat ng Armed Forces of the Philippines Western Mindanao Command (AFP – WESMINCOM), unang naka-engkwentro ng mga terorista ang tropa ng Army 8th Scout Ranger nitong Sabado na tumagal ng 15 minuto at nasundan ito nang makasagupa nila ang tropa ng 44th Infantry battalion.
Nakuha mula sa napatay na miyembro ng teroristang grupo ang matataas na kalibre ng armas gaya ng M16 rifle, M14 rifle, mga bala ng 5.56mm carbine, mga granada, IED circuit indicator, at iba pa.
Isang sundalo rin ang nasugatan sa nasabing sagupaan subalit nasa ligtas ng kalagayan.
Tiniyak naman ni WESMINCOM Commander Lt Gen.. Antonio G. Nafarrete na hindi sila titigil hangga’t hindi nauubos ang mga terorista sa rehiyon.
“Our pursuit against the remaining threats to the peace and security that is already evidently present in our AOR sends a clear message to the militant groups that we will not allow them to rest while innocent lives suffer from the terrors they deliberately inflict,” said Lt. Gen. Nafarrete.
