Inanunsyo ng Bureau of Immigration ang pagkakatalaga kay Atty. Daniel Y. Laogan bilang bagong Deputy Commissioner.
Isang abogado, si Laogan ay may Commerce degree mula sa University of Santo Tomas at kumuha din ng Master of Science in Commerce sa parehong unibersidad. Siya ay nagtapos naman ng abogasya sa Ateneo de Manila University at naging miyembro ng Philippine Bar noong 1982.
Bukod sa kanyang karanasan sa public at private sectors, naging bahagi din si Laogan ng academe at nagsilbi bilang Regent of the Pamantasan ng Lungsod ng Maynila at professor of law in taxation sa college of law ng Adamson University.
Naging director siya ng Philippine Savings Bank, National Food Authority at Development Bank of the Philippines. Siya ay Senior Adviser for Investment and Promotions at Investor Relations sa Manila Economic and Cultural Center.
Bago maitalagang Deputy Commissioner, Director siya sa Philtrust Bank at a Senior Adviser ng Federation of Filipino Chinese Chambers of Commerce and Industry Inc. Nagsilbi din siya bilang President Emeritus ng Chinese Filipino Business Club, Inc. , Chairman and President ng Addmore Group of Companies at managing partner ng Daniel Y. Laogan Law Offices.
Sa kanyang pagkakahirang sa BI ay nakumpleto na ang BI three-member board of commissioners na binubuo ng isang commissioner at dalawang deputy commissioners. Kasama niya si Commissioner Tansingco at Deputy Commissioner Joel Viado na nahirang naman sa BI noong September 2022 at April 2023, ayon sa pagkakasunod-sunod.
