UPANG hindi masayang, nag-donate ang Bureau of Customs (BOC) ng 6,357 litro ng “unmark” diesel na kanilang nasabat sa mga operasyon.
Isinagawa ang turn-over ng diesel nitong Hulyo 8 sa Port of Clark sa pagitan nina District Collector Alexandria Lumontad at PCG LTJG Eunica Marie Tomioka.
Ayon sa BOC, nasabat ang diesel fuel noong Setyembre 2021 pa sa pamamagitan ng Letter of Authority (LOA).
“Subsequently, a decision was issued by the port declaring the shipment forfeited in favor of the government,” ayon sa BOC.
Layon ng donasyon na tulungan ang PCG sa kanilang “maritime search and rescue,” at pagpapatrulya sa karagatan ng bansa. (JAYMEL MANUEL)
