Latest News

COMPUTERIZATION SA BOC INUTOS NG MANILA RTC IPATUPAD NA

NAGBABA na ng desisyon ang Manila Regional Trial Court na nag-aatas sa Bureau of Customs (BOC) na ipatupad na ang computerized processing system sa Aduana.

Base sa pinalabas na desisyon ni Judge Paulino Gallegos ng Manila RTC Branch 47, kailangan nang ipatupad ang naturang kautusan, limang araw matapos ilabas ang order kung saan August 2, 2022 pa inilabas ni Gallegos ang desisyon.

“Considering the appointment of the new commission of the Bureau of Customs, honorable Yogi Filemon ruiz, let the decision and writs of execution in connection with the above-entitled case be furnished Honorable Ruiz , to be personally served the Sheriff of this Court, who in turn is directed to implement and report his compliance therewith within five (5) days after service thereof,” bahagi ng desisyon ni Gallegos.


Sinabi naman ni Atty Israeilito Torreon, abogado ng Omniprime Marketing Incorporated na kung nais ni Pangulong Ferdinand “Bongbong” Marcos na mabura ang katiwalian sa administrasyon, dapat nang ipatupad ang naturang programa.

Sa ganitong paraan kasi aniya, matatanggal ang pagre-recycle ng importation permit gaya nang nangyari kamakailan sa kontrobersiya sa asukal.

Ayon kay Margaroli, 90 hanggang 99.9 percent na mawawala ang korupsyon at smuggling sa Bureau of Customs kung maipatupad ang bagong computerized processing system

Noon pang 2015 napanalunan ng joint venture ang p418 MILLION project na pamalit sana sa lumang sistema ng BOC na Electronic-to-Mobile o E2M kasama na ang phase two ng Philippine National Single Window na patakbuhin sa isang platform o sistema.


Layunin ng proyekto na gawin nang fully electronic at paperless ang mga transaksyon. (VICTOR BALDEMOR)

Tags: Bureau of Customs (BOC)

You May Also Like

Most Read