Natupok ang ika -limang palapag ng Isang commercial building matapos sumiklab ang Isang sunog kahapon ng umaga sa Pam Building, 864 Sun City General Merchandise na matatagpuan sa CM Recto Avenue corner Sto. Cristo St., Binondo, Maynila.
Nabatid sa Manila Bureau of Fire Protection na nagsimula ang sunog sa Unit ni Any Co,may-ari ng Gold Rich General Merchandise/Sun City store at taga C/O 864 Sun City General Merchandise na matatagpuan sa CM Recto Avenue corner Sto. Cristo St., Binondo, Maynila.
Nagsimula ang sunog alas -10:30 ng umaga na umabot sa ikalawang alarma at idineklarang fire-out alas- 12:27 ng hapon.
Wala namang naiulat na nasawi o nasugatan sa nabanggit na sunog kung saan umabot sa P480,000 ang napinsalang ari-arian.
Patuloy na iniimbestigahan ang sanhi ng sunog. (Philip Reyes)
