By: JANTZEN ALVIN
INIHAYAG ng Commission on Elections (Comelec) na pinahihintulutan nito ang mga awtoridad na magsagawa ng warrantless arrest sa vote buyers at vote sellers para sa May 12, 2025 National and Local Elections (NLE).
Ayon kay Comelec Chairman George Garcia, isang resolusyon na nagpapahintulot sa mga law enforcers na arestuhin ang vote buyers at sellers nang walang warrant, kung ang mga ito ay kanilang naaktuhan.
Ayon kay Garcia, ang Resolution No. 11104 ay nagpapalawak sa kapangyarihan ng “Committee on Kontra-Bigay” ng poll body na i-monitor ang vote buying at selling sa eleksiyon.
Hide original message
“Any law enforcement officer may, without a warrant, arrest a person when, in his or her presence, the person to be arrested has committed, is actually committing, or is attempting to commit the election offense of vote-buying and vote-selling or act constituting ASR (abuse of state resources),” ayon sa resolusyon.
Napag-alaman na ang lahat naman ng maaarestong vote buyers at sellers ay kinakailangang dalhin sa pinakamalapit na police station habang ang mga materyales na ginamit sa vote- buying o selling ay isasailalim sa kustodiya ng pulisya.
“The money or any other goods of value, sample ballots and any other campaign materials used for vote-buying and vote-selling, and ASR, shall be immediately seized and taken into custody by the apprehending law enforcement officer,” ayon pa sa resolusyon.
