Iniulat ng Bureau of Immigration (BI) ang pagkakadakip nito sa tatlong Chinese nationals na sangkot diumano sa online scamming at money laundering activities.
Ang tatlo ay arestado sa enforcement operation sa Angeles City, Pampanga ng mga operatiba ng BI-Fugitive Search Unit (FSU), sa pakikipag-ugnayan sa National Bureau of Investigation–Organized and Transnational Crimes Division (NBI-OTCD), na isinagawa noong April 27 sa isang residential property sa Pulu Amsic subdivision, Angeles City.
Kinilala ni FSU chief ang tatlong banyaga na sina Zhang Zheng, 42; Ren Yi, 28; at Zhang Shengjun, 31, na nahuli umano sa aktong nago-operate ng computer equipment na ginagamit sa fraudulent online schemes na tuma-target sa mga foreign victims.
“The operation stemmed from intelligence information provided by the NBI indicating that the suspects were part of so-called “breakaway” scam hubs—groups believed to be composed of former Philippine Offshore Gaming Operator (POGO) workers who have resumed illegal activities in residential areas to evade authorities,” ani Sy.
Sa imbestigasyon, isa sa suspects ay may valid working visa, isa ang may expired visa, habang ang pangatlo ay permanent resident. Lahat sila ay di nakapagpakita ng passport o anumang valid immigration documents nang maaressto.
Sila ay mananatili sa BI Warden Facility habang naghihintay ng deportation proceedings.
